Санхүүгийн боловсролын HUB-аас НИЙГМИЙН ХАРИУЦЛАГЫН ХҮРЭЭНД 12 дугаар ангиа төгсөж байгаа сурагчдад мэргэжлээ сонгоход нь туслах зорилгоор ICT group дээр 2 өдрийн сургалт, байгууллагын үйл ажиллагаатай танилцуулах түүр зохион байгуулах гэж байна.
Сурагчид мэргэжлээ сонгохдоо өөрийн сонирхол, авьяас, физиологийн онцлог болон хөдөлмөрийн зах зээлийн эрэлтийг харгалзан үзэж байж мэргэжлээ сонговол зөв сонголт руу дөхөж очно. Түүнээс гадна сонирхож буй мэргэжлийг тэр чиглэлээр ажиллаж буй байгууллагууд дээр очиж бодитоор туршлага хуримтлуулбал илүү ойлголттой болохоос гадна бодит сонголт хийгдэнэ.
Ирэх арван жилд монгол улсад болон олон улсад эрэлттэй мэргэжлүүдийн нэг бол технологийн салбарын мэргэжлүүд зонхилж байна. Технологийн инженерчлэлийн салбарын мэргэжил дотор задраад маш олон чиглэл байдаг.
Тиймээс уг мэргэжлийг сонгох гэж байгаа сурагчдад туслах зорилгоор ICT group-тэй хамтын ажиллагааны хүрээнд мэргэжил чиглүүлэх сургалтыг явуулах гэж байна.
Сургалтад 10 хүүхэд шалгаруулж авна.
Дараах шаардлага хангасан хүүхдүүдийг хамруулна.
- Одоо 12-р ангид суралцаж байгаа
- Цаашид IT чиглэлээр суралцахаар төлөвлөж байгаа
- Уг сургалтад хамрагдахыг ЧИН СЭТГЭЛЭЭСЭЭ ХҮСЧ байгаа захидал
Доорх линкээр сургалтад бүртгүүлнэ үү.
